National Day Nurseries Association Cymru

Dylai pob lleoliad Blynyddoedd Cynnar a Gofal Plant a Chwarae adolygu ansawdd eu darpariaeth yn barhaus. Mae myfyrio ar ddarpariaeth ac ymarfer yn sbardun ar gyfer gwelliant parhaus. Bydd cymryd rhan ar un o gynlluniau sicrhau ansawdd partner Cwlwm yn eich helpu i hunanwerthuso'ch gwasanaeth a chynllunio ar gyfer gwella.

Bydd marc ansawdd yn dangos i rieni a chyllidwyr eich bod yn anelu y tu hwnt i'r Safonau Gofynnol Cenedlaethol sy'n ofynnol ar gyfer cofrestru CIW a'ch bod yn anelu at ddarparu gwasanaeth o ansawdd uchel lle gall rhieni a theuluoedd deimlo'n hyderus yn y cyfleoedd dysgu a chwarae a gynigir

Mae NDNA yn cynnig dwy ffordd o wella ansawdd meithrinfeydd i’w galluogi i ymdrechu i ragori yn eu harferion: cynllun achredu cynhwysfawr a llawn er gwella ansawdd yw -Quality Counts, ac mae’r rhaglenni Quality Improvement Programmes unigol ar gyfer lleoliadau sydd am wella ansawdd mewn meysydd blaenoriaeth.

Beth yw e-Quality Counts?

Cynllun gwella ansawdd ar-lein NDNA yw Quality Counts, un a luniwyd yn arbennig ar gyfer meithrinfeydd. Mae e-Quality Counts yn rhoi cymorth i feithrinfeydd adolygu pob agwedd ar eu gofal, addysg gynnar a busnes er mwyn sicrhau eu bod yn rhoi’r gofal gorau posibl i blant a’u teuluoedd, o’u gwaith gyda babanod i ofal all-ysgol. Mae e-Quality Counts yn gynllun trylwyr er gwella ansawdd, ac yn broses asesu sy’n cynnwys yr holl dîm staff. Y mae wedi ei gymeradwyo â nod ardystiad y Swyddfa Eiddo Deallusol fel proses asesu a dilysu cadarn, ac y mae hefyd wedi ei ardystio gan CPD UK.

Unwaith y bydd meithrinfeydd wedi cwblhau pob rhan o’r cynllun drwy gymorth asesiad ar lein, mae’r feithrinfa’n cyflwyno eu portffolio er achredu i’w fesur yn erbyn Safonau e-Quality Counts, a bydd asesydd annibynnol yn ymweld â’r safle i arsylwi ar arferion ym mhob rhan o’r feithrinfa. Mae meithrinfeydd sy’n ennill achrediad e-Quality Counts yn dangos ymrwymiad parhaus i ofal rhagorol ac addysg gynnar sydd yn mynd y tu hwnt i’r safonau sy’n ofynnol gan y rheoleiddiwr. Mae achrediad e-Quality Counts yn ddilys am dair blynedd. Wedi hynny bydd angen ail-achredu meithrinfeydd.

Rhaglenni gwella ansawdd

Mae rhaglenni gwella ansawdd NDNA wedi eu targedu, ac yn hydrin er mwyn helpu meithrinfeydd i gymryd camau bychain i wella ansawdd arferion yn eich meithrinfa a chynaliadwyedd eich busnes. Mae’r rhaglenni’n helpu meithrinfeydd i adlewyrchu ar eu harferion, a’u datblygu, yn ôl set o safonau ansawdd drwy hyfforddi ar lein a chysylltiadau â’r adnoddau. Mae hyn yn gymorth i feithrinfeydd adeiladu portffolio o dystiolaeth, polisïau a gweithdrefnau i gefnogi’r daith ansawdd. Y mae Llywodraeth Cymru hefyd wedi cadarnhau bod ein Rhaglenni Gwella Ansawdd yn cydymffurfio â’r hyn y mae’n ei ddisgwyl gan gynllun sicrwydd ansawdd.

Bydd y rhaglenni’n eich galluogi i redeg busnes hapus a chynaliadwy drwy ddatblygu gwaith tîm, moral y staff a chanlyniadau’r plant.

Am fwy o wybodaeth am raglen Achredu Ansawdd yr uchod ewch at: https://www.qualitycounts.org.uk/